डा. लेखजुङ थापा — रुपन्देही निर्वाचन क्षेत्र नं. ३ का सांसद. सशक्त आवाज। वास्तविक सेवा।
नेपालको सेवामा।

हरितालिका तीजको पावन अवसरमा सम्पूर्ण आमा तथा दिदीबहिनीहरूमा हार्दिक शुभकामना व्यक्त गर्दछु । तीज हाम्रो संस्कृति, परम्परा र नारी शक्तिको सुन्दर अभिव्यक्ति हो । यस पवित्र पर्वले हरेक आमाको मुहारमा खुसी, हरेक दिदीबहिनीको जीवनमा आत्मविश्वास र हरेक परिवारमा सुख, शान्ति र समृद्धि ल्याओस् भन्ने कामना गर्दछु । हरितालिका तीजको हार्दिक मंगलमय शुभकामना । 🙏🌺 डा. लेखजंग थापा प्रतिनिधि सभा सदस्य, रुपन्देही–३ @followers @highlight Lekhjung Thapa Official #happyteej

बुबाको मुख हेर्ने दिन अर्थात् कुशेऔँशीको पावन अवसरमा सम्पूर्ण बुबाहरूप्रति हार्दिक श्रद्धा, सम्मान तथा शुभकामना व्यक्त गर्दछु । बुबा केवल एउटा नाता होइन, जीवनलाई सही बाटो देखाउने भरोसा, संघर्षमा अडिने साहस र भविष्यप्रतिको विश्वास हुनुहुन्छ । उहाँको हात समाएर सिकेका पाठहरू र उहाँले दिएको संस्कार जीवनभरका लागि मार्गदर्शन बन्छन् । आजका दिन मेरा आफ्नै बुबालाई सम्झँदा मन भावुक हुन्छ । बुबालाई गुमाएको धेरै वर्ष भइसक्यो । समय बित्दै गयो, तर उहाँको सम्झना र उहाँले छोडेर जानुभएको संस्कार कहिल्यै पुरानो हुँदैन । यसै वर्ष मेरी आमालाई पनि गुमाएँ । बुबाआमा दुवैलाई गुमाएपछि मात्र सायद महसुस हुँदोरहेछ, आमाबुबा घरमा हुनु भनेको केवल दुई जना मानिस हुनु होइन, जीवनको सबैभन्दा ठूलो आशीर्वाद र भरोसा हुनु रहेछ । आज बुबाको मुख हेर्ने दिनमा आफ्ना बुबाको साथ र आशीर्वाद पाउनुभएका सबैप्रति हार्दिक शुभकामना व्यक्त गर्दै, हामीबाट टाढा हुनुभएका सम्पूर्ण बुबाप्रति भावपूर्ण श्रद्धासुमन अर्पण गर्दछु। उहाँहरूले दिनुभएको माया, संस्कार र आशीर्वादलाई जीवनमा आत्मसात् गर्नु नै उहाँहरूप्रतिको सच्चा सम्मान हो । सम्पूर्ण बुबाहरूमा कुशेऔँशीको हार्दिक मंगलमय शुभकामना । बुबाको माया र आशीर्वाद सधैं हाम्रो जीवनको उज्यालो बनिरहोस् । 🙏❤️ डा. लेखजंग थापा प्रतिनिधि सभा सदस्य, रूपन्देही–३ @highlight Lekhjung Thapa Official !

भोटेकोशी नदीमा आएको भीषण बाढीका कारण पुग्न गएको अपूरणीय जनधनको क्षतिप्रति गहिरो दुःख व्यक्त गर्दछु । यस प्राकृतिक विपत्तिमा परी ज्यान गुमाउनुभएका सम्पूर्ण मृतकहरूप्रति भावपूर्ण श्रद्धाञ्जली अर्पण गर्दै शोकसन्तप्त परिवारजनमा गहिरो समवेदना प्रकट गर्दछु । बेपत्ता हुनुभएका नागरिकहरूको तीव्र खोजी तथा सकुशल उद्धारका लागि प्राथमिकताका साथ जनशक्ति परिचालन गर्न र घाइतेहरूको नि:शुल्क एवं प्रभावकारी उपचारमा कुनै कसर बाँकी नराख्न म सरकार र स्थानीय प्रशासनसँग जोडदार माग गर्दछु । यस कठिन र दुःखद घडीमा प्रभावित सम्पूर्ण परिवारजनप्रति गहिरो सहानुभूति व्यक्त गर्दै उच्च सतर्कता र धैर्यता अपनाउन तटीय क्षेत्रका नागरिकहरूमा अनुरोध गर्दछु ।

आज शब्दहरूले नै साथ छोडेजस्तो लागिरहेको छ । जिन्दगीमा सबैभन्दा सुरक्षित लाग्ने ठाउँ, मुवाको काख सदाका लागि गुमाएको छु । तर, मनले एउटा कुरा स्वीकार गर्नै सकिरहेको छैन—जसलाई कहिल्यै गुमाउन चाहेको थिइनँ, उहाँलाई नै आज सदाका लागि बिदाइ गर्नुपरेको छ । मुवा, तपाईंले मलाई जीवन दिनुभयो, बाँच्ने बाटो देखाउनुभयो र असल मान्छे बन्न सिकाउनुभयो । अब हजुर भौतिक रूपमा हामीमाझ हुनुहुन्न, तर मेरो हरेक सासमा, हरेक सम्झनामा र मेरो हरेक कर्ममा तपाईं जीवित रहनुहुनेछ । मुवा, हजुरलाई बिदाइ गर्दै गर्दा मनले एउटा मात्र कुरा भनिरहेको छ—फेरि भेट्न पाएँ भने, तपाईंको काखमै टाउको राखेर धेरै बेर बस्न चाहन्छु । भावपूर्ण श्रद्धाञ्जली, मेरी आमा । हजुरको बैकुण्ठमा बास होस् ।

गुरु पूर्णिमाको हार्दिक मंगलमय शुभकामना । गुरु केवल ज्ञान दिने व्यक्ति मात्र होइन, असल चरित्र, नैतिक मूल्य, अनुशासन र जीवनको सही दिशा देखाउने पथप्रदर्शक हुनुहुन्छ। सभ्य समाज, सक्षम नागरिक र समुन्नत राष्ट्र निर्माणमा गुरुको योगदान अतुलनीय छ । गुरु पूर्णिमाको पावन अवसरमा ज्ञान, संस्कार र प्रेरणाको ज्योति फैलाउनुहुने सम्पूर्ण गुरुजनप्रति हार्दिक श्रद्धा, सम्मान तथा कृतज्ञता व्यक्त गर्दछु । साथै, आफ्नो जीवनमा मार्गदर्शन गर्नुहुने सबै गुरुहरूप्रति उच्च सम्मान अर्पण गर्दछु । यस पावन दिनले हामी सबैलाई ज्ञानको खोज, सत्यको अनुसरण, नैतिक आचरण र समाज तथा राष्ट्रप्रतिको जिम्मेवारीलाई अझ दृढताका साथ निर्वाह गर्ने प्रेरणा प्रदान गरोस् भन्ने शुभकामना व्यक्त गर्दछु ।🙏🙏🙏 @highlight Lekhjung Thapa Official

रोग लाग्दा बिरामीले अस्पताल रोज्दैन, उसले आशा रोज्छ । तर जब अस्पतालमा आवश्यक जनशक्ति हुँदैन, पर्याप्त शय्या हुँदैन, जीवनरक्षक औषधि र खोप हुँदैन, तब बिरामीको आशा नै निराशामा बदलिन्छ । आज म लुम्बिनी प्रदेशकै गौरव, रुपन्देहीस्थित भीम अस्पतालको विषयमा सरकारको गम्भीर ध्यानाकर्षण गराउन चाहन्छु । वि.सं. १९९० सालदेखि सेवा दिँदै आएको यो अस्पताल आज रुपन्देही मात्र होइन, कपिलवस्तु, अर्घाखाँची, गुल्मी, नवलपरासी तथा सीमावर्ती भारतीय नागरिकको भरोसाको केन्द्र बनेको छ । ५० शय्याको स्वीकृत क्षमता भए पनि दैनिक ५००–६०० बिरामीलाई झण्डै १०० शय्याको अस्पतालसरह सेवा दिइरहेको छ । प्रदेशकै उत्कृष्ट अस्पताल घोषित हुँदासमेत आवश्यक जनशक्ति छैन, अस्पताल अझै ५० शय्यामै सीमित छ, आईसीयू सेवा छैन, र एन्टि–रेबिज भ्याक्सिनको समेत नियमित उपलब्धता हुन सकेको छैन । उत्कृष्ट सेवा दिने अस्पताललाई उपेक्षा गरेर स्वास्थ्य प्रणाली बलियो हुँदैन । उत्कृष्ट अस्पताललाई पुरस्कार होइन, आवश्यक स्रोत दिनुपर्छ । त्यसैले म सरकारसँग तीनवटा स्पष्ट माग गर्दछु—भीम अस्पताललाई तत्काल १०० शय्यामा स्तरोन्नति गरियोस्, स्वीकृत दरबन्दीअनुसार दक्ष जनशक्ति तत्काल पदपूर्ति गरियोस्, र एन्टि–रेबिज भ्याक्सिनको नियमित र अविच्छिन्न आपूर्ति सुनिश्चित गरियोस् । भीम अस्पताललाई बलियो बनाउनु भनेको केवल एउटा अस्पताललाई बलियो बनाउनु होइन, लुम्बिनी प्रदेशका लाखौँ नागरिकको स्वास्थ्य अधिकारलाई बलियो बनाउनु हो । धन्यवाद । #fypシ゚ Lekhjung Thapa Official #bhimaspatal

🙏 आमाको चिन्ताले देश छोड्न सकिन... ▶️ Full Episode: 👇 https://youtu.be/O-mBirgJVlo?si=DKSleEl9tUZ-F4wj #fypシ゚ #DrLekhjungThapa #raswapa #behindthetitle #educationsamachar Lekhjung Thapa Official Lekhjung Thapa Official

Behind the Title को पहिलो शृंखलामा पहिलो अतिथिका रूपमा सहभागी हुने अवसर पाएकोमा खुसी लागेको छ । यस शृंखलाका प्रस्तोता महेश तिमल्सिनासँगको संवादमा मेरो व्यक्तिगत यात्रा, चिकित्सक जीवन, संसदीय अनुभव, जनताप्रतिको जिम्मेवारी र आगामी सोचबारे खुलेर कुराकानी गरेको छु । #behindthetitle @highlight #everyoneシ゚